Ҷумъа, 27/05/2022-11:30
Вокуниш. Ман ҳамчун бонуи тоҷик, наметавонам ин шайтонсифатро зан гуям, зеро зан ҷинси латифест, ки баҳри сохтану обод кардан офарида шудааст, на барои шӯру ғавғо миёни мардум андохтан. У.Маҳмадшоева имрӯз боиси нафрати ҳазорон бонувони тоҷик гардидааст. Ў бо кирдори хиёнаткоронааш боиси нооромиҳо дар Бадахшон гардида, зомини ҷони даҳҳо ҷавонон гардиданд. Ин бенангу ор манфиати шахсии худро аз манфиатҳои давлату миллат боло гузошта, ба арзишҳои миллию мазҳабӣ ва ватандорӣ хиёнати бузург намуд. Бо ивази як тини пучак нангу номуси бадахшонии худро фурӯхт ва ҳамдасти ҳаммаслокони хиёнатпешааш ва қурбонии ҳавасҳои беохираш гардид.
Оё як зан метавонад нисбати ҳамватанони худ чунин хиёнатро раво бинад? Ин хоин боиси ба дому фиреб кашидани ҳазорҳо нафар ҷавонони ноогоҳу тираақли Бадахшон ва коштани тухми кинаву адоват миёни мардум шуд.
Мақсади Улфатхоним ва ҳаммаслаконаш, вазъи орому суботи Тоҷикистони азизамонро ноором сохтану нақшаҳои разилонаи худро амалӣ сохтан аст. Хушбахтона мақсади нопокашон дер давом накард.
Ҳалимаи ҚОБИЛ-сокини н.Вахш
