Чоршанбе, 16/09/2020-20:59
Истиқлолияти давлатӣ ба даст овардани кишвари мо бузургтарин руйдоди таърихӣ дар охири асри ХХ мебошад. Зеро баъди ҳазор соли бедавлитию истиқлолхоҳӣ халқи тамаддунофари мо ба орзуи дерина расида, соҳибихтиёр шуд.
Истиқлолият имкон дод, ки мо дар айнаш таърихи худро бубинем. Дар равандҳои сиёсию иқтисодӣ ва фарҳангии дунё фаъолона иштирок намоем. Дар ҳалли масъалаҳои муҳими давлатдорӣ мустақилона амал намоем.
Истиқлолият халқи парешонро зери парчами давлатӣ мутаҳҳид намуд ва имкон дод, пай ҳалли аҳдофи истратегии мамлакат мардум ҳамфикру ҳаммаром бошад.
Аз ҳама мухимаш он аст, ки миллати тоҷик озодӣ ба даст овард ва ба шарофати соҳибистиклоли бахри эҳёи анъанаҳои миллӣ камар баст. Миллати ба орзурасидаи тоҷикро дар оғози солҳои соҳибистиклолӣ бадхоҳон ва душманони миллат ба гирдоби ҷанги шаҳрвандӣ кашиданд. Ҷомеаи навини тоҷикон хисороти моллию ҷонии зиёд дид. Аммо хиради азалӣ боло гирифт ва вакилони Шӯрои Олии Тоҷикистон дар шаҳри бостони Хуҷанд сессияи 16-ум Шӯрои Олиро ороста фарзанди фарзонаи миллат Эмомалӣ Раҳмонро раиси Шӯрои Олии Тоҷикистон интихоб намуданд.
Интихоби вакилони мардумӣ марҳаме шуд ба захмҳои пайкори миллат яъне баъди ба арсаи сиёсат омадани Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон давлати баркарорсози сохторхои давлатӣ, хочагии халқи мамлакат оғоз шуд ва бо муваффақият ба нуктаи мантиқиаш расид.
Вақте ба 29-соли Истиклолият назар меафканем мебинем, ки дар тӯлии ин солҳо мақсадҳоеро Пешвои миллат амали кардаст онҳоро халқи тоҷик дар дил мепарварид. Сохтумонҳои бузурге қомат афрӯхта дар хизмати ҷомеа қарор гирифтанд, ки ҳар кадоми онро метавон корнамоии бузурги таърихӣ номид.
Аз файзи Истиқлолият кишварамон дар дунё муаррифӣ гардид. Забону фарҳанги миллӣ эҳё шуд. Дар тамоми қитъаҳои рӯи олам миллати моро бо даст овардани сулҳи сартосарӣ ба ваҳдати миллӣ мешиносанд. Ваҳдати миллӣ асоси андешаи миллиро ташкил мекунад ва фарҳанги сулҳи тоҷикон аз забони коршиносони байналмилалӣ нодир арзёбӣ шуд. Ба туфайли мустақилият пайдо намудани давлатамон садоқату ҷоннисори Президенти кишвари мо тамаддуни башариятро бо фарҳанги сулҳ ғанитар кардем. Барои ҳамин ҳам масъулияти шаҳрвандӣ дар назди ҳар як сокини Тоҷикистони офтобрӯя вазифа мегузорад, ки баҳри таҳкими истиқлолияти давлатӣ, ваҳдати миллӣ ва пешрафти кишварамон содиқона хидмат намоянд.
Муқим Муҳаббатов
сокини Ҷамоати деҳоти Тоҷикобод
