Панҷшанбе, 02/01/2025-12:20
Бо ташаббуси директори ККВД Бохтарнақлиётхизматрасони назди МИҲД – и шаҳри Бохтар Тоҷиддин Сафаров 105 нафар хонандагони мактаб – интернати н. Вахш баҳри тамошо ва саёҳат ба Театри Мусиқӣ Мазҳакавии ба номи Ато Муҳаммадҷонов ш. Бохтар сафарбар шуданд. Дар ин сафар муовини сардори корхонаи болозикр Алишер Қурбонов хонандагонро ҳамроҳӣ намуданд. Хурсандии кӯдакон дар ин рӯз ҳамто надошт. Дар саҳни театр шахсан директори ККВД Бохтарнақлиётхизматрасони ш.Бохтар Точиддин Сафаров ва директори Театр Отахон Саидов бо чеҳраи хандон аз хонандагону омӯзгорон истиқбол намуданд.
Ҳунармандони театр бахшида ба фарорасии Соли нави милодӣ намоишномаи ” Санта Клаус ва бобои Қаландар” – ро пешкаши хонандагон гардониданд. Ёдовар бояд шавем, ки иқдомҳои хайрхоҳонаи роҳбарияти корхонаи мазкур дар ҳаққи мактаббачагони муассисаҳои таълимӣ мунтазам сурат гирифта истодааст.
