Чоршанбе, 07/10/2020-17:10
Бо ба даст овардани Истиқлолияти давлатӣ кишвари мо бузургтарин руйдоди таърихӣ дар охири асри ХХ мебошад. Зеро баъди ҳазор соли бедавлитию истиқлолиятхоҳӣ халқи тамаддунофари мо ба орзуи деринааш ва соҳибихтиёр шуд.
Истиқлолият имкон дод, ки дар равандхои сиёсию иқтисодӣ ва фарҳангии дунё фаъолона иштирок намоем. Дар ҳалли масъалаҳои муҳими давлатдорӣ мустақилона амал намоем.
Истиқлолият халқи парешонро зери Парчами миллӣ дар фазои сулҳу субот мутаҳҳид намуд ва имкон дод, пай ҳалли аҳдофи истратегии мамлакат мардум ҳамназиру ҳаммаром бошанд.
Аз ҳама муҳимаш он аст, ки миллати тоҷик озодӣ ба даст овард ва ба шарофати соҳибистиқлоли баҳри эҳёи анъанаҳои миллӣ ва эҳёи Тоҷикистон камар баст. Миллати ба орзурасидаи тоҷикро дар оғози солҳои соҳибистиклолӣ бадхохон ва душманони миллат ба гирдоби ҷанги шаҳрвандӣ кашиданд. Ҷомеаи навини тоҷикон хисороти молию ҷонии зиёд дид. Аммо хиради азалӣ боло гирифт ва вакилони Шӯрои Олии Тоҷикисто дар шаҳри бостони Хуҷанд сессияи \/Х1 Шӯрои Олиро ороста фарзанди фарзонаи миллат Эмомалӣ Раҳмонро раиси Шӯрои Олии Тоҷикистон интихоб намуданд.
Интихоби вакилони мардумӣ марҳаме шуд ба захмҳои пайкори миллат, яъне баъди ба арсаи сиёсат омадани Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барқарорсозии сохторҳои давлатӣ, хоҷагии халқи мамлакат оғоз шуд ва бо муваффақият ба нуқтаи мантиқиаш расид.
Имрӯз вақте ба 29- соли Истиқлолият назар меафканем мебинем, ки дар тӯлии ин солҳо мақсадҳоеро Пешвои миллат амали кардаст онҳоро халқи тоҷик дар дил мепарварид. Сохтумонҳои бузурге қомат афрӯхта, дар хизмати ҷомеа қарор гирифтанд, ки ҳар қадами онро метавон корнамоии бузурги таърихӣ номид.
Аз файзи Истиқлолият кишварамон дар дунё муаррифи гардид. Забону фарҳанги миллӣ эҳё шуд. Миллати мо бо даст овардани сулҳи сартосарӣ ба ваҳдати миллӣ даст ёфт. Ормонҳои ҳаракатҳои ваҳдати миллат асоси андешаи миллиро ташкил мекунад ва фарҳанги сулҳи тоҷикон аз забони коршиносони байналминалалӣ нодир арзёбӣ шуд. Ба туфайли мустақилият пайдо намудани давлатамон садоқату ҷоннисори Президенти кишвари мо тамаддуни башариятро бо фарҳанги сулҳ ғанитар гардид. Барои ҳамин ҳам масъулияти шаҳрвандӣ дар назди ҳар як сокини Тоҷикистони офтобрӯя вазифа мегузорад, ки баҳри таҳкими Истиқлолияти давлатӣ, ваҳдати миллӣ ва пешрафти кишварамон содиқона ҳисса гузоранд.
Муқим Муҳаббатов,
имомхатиби масҷиди ҷомеи ба номи “Аминиён”
Ҷамоати деҳоти “Тоҷикобод” ноҳияи Вахш
