Панҷшанбе, 26/03/2020-20:54
Муборак, иди наврўзат муборак,
Сафои ҷашни пирўзат муборак.
Зи мавҷи лола саҳро шуълапош,
Баҳори оламафрўзат муборак.
Ҳаловат мебарӣ, аз бўи гулҳо,
Хушо фасли дилафрўзат муборак.
Чакан пўшад чаман андар баҳорон,
Чаканпўшу чакандўзат муборак.
Гулистон мешавад саҳро саропо,
Самоё, марди дилсўзат муборак.
Ба хушбахтӣ, ба дилсўзӣ, Шабафрўз,
«Баробар шуд шабу рўзат муборак».
Шабафрўз
